ເງື່ອນໄຂ ຜູ້ສະໝັກ ແລະ ຜະລິດຕະພັນ

1. ເງື່ອນໄຂ ຂອງຜູ້ສະໝັກ:

• ນັກຮຽນ, ນັກສຶກສາ ຫຼື ນັກຄົ້ນຄວ້າ ທີ່ຂຶ້ນກັບຂະແໜງການສຶກສາໃດໜຶ່ງ.
• ເປັນບຸກຄົນ, ນິຕິບຸກຄົນ ທີ່ເຄື່ອນໄຫວຖືກຕ້ອງຕາມລະບຽບກົດໝາຍ ຂອງ ສປປ ລາວ.
• ເປັນນິຕິບຸກຄົນ ທີ່ຮ່ວມທຶນກັບຕ່າງປະເທດ, ແຕ່ຄົນລາວຈະຕ້ອງຖືຮຸ້ນ ຢ່າງໜ້ອຍ 51% ຂອງຈຳນວນຮຸ້ນທັງໝົດ.

2. ເງື່ອນໄຂ ຂອງຜະລິດຕະພັນ:

• ຜູ້ສະເໜີເຂົ້າແຂ່ງຂັນຕ້ອງເປັນເຈົ້າ ຂອງຜົນງານ/ຜະລິດຕະພັນ ຖືກຕ້ອງ ສອດຄ່ອງ ຕາມກົດໝາຍຊັບສິນ ທາງປັນຍາ.
• ການພັດທະນາຕ້ອງເຮັດຂຶ້ນໃນ ສປປ.ລາວ ຢ່າງໜ້ອຍ 51% ລວມມີ: ການຄົ້ນຄວ້າ, ການພັດທະນາ ແລະ ການອອກແບບ.
• ໜື່ງຜະລິດຕະພັນສາມາດສົ່ງເຂົ້າແຂ່ງໄດ້ໜວດດຽວເທົ່ານັ້ນ.

ໝວດຜະລິດຕະພັນ

1. ໝວດພາກລັດ (Public Sector)

• ແມ່ນຜະລິດຕະພັນ, ບໍລິການ ຫຼື ໂຄງການດິຈິຕອນ ທີ່ຊ່ວຍໃຫ້ການດຳເນີນງານຂອງລັດຖະບານມີປະສິດທິພາບ, ໂປ່ງໃສ, ມີປະສິດທິຜົນ ແລະ ຫຼຸດຜ່ອນຕົ້ນທຶນ.
• ຕ້ອງເປັນໂຄງການທີ່ຈັດຕັ້ງປະຕິບັດໂດຍສະຖາບັນຂອງລັດ ແລະ ໃຫ້ບໍລິການ e-government ແກ່ພາກທຸລະກິດ ຫຼື ປະຊາຊົນ.
• ຜົນງານດັ່ງກ່າວອາດຈະຖືກພັດທະນາໂດຍພາກເອກະຊົນ, ພາກລັດ ຫຼື ໄດ້ຮັບທຶນຈາກຕ່າງປະເທດ, ແຕ່ຕ້ອງມີການນຳໃຊ້ຕົວຈິງຈາກອົງການຂອງລັດ.
• ຈະຕ້ອງມີຫຼັກຖານຢັ້ງຢືນການຍອມຮັບ ຫຼື ການນຳໃຊ້ຕົວຈິງຈາກລັດຖະບານ.
• ໂຄງການທີ່ພັດທະນາໃຫ້ແກ່ລັດວິສາຫະກິດເພື່ອນຳໃຊ້ເຂົ້າໃນຈຸດປະສົງທາງການຄ້າ ແມ່ນບໍ່ລວມຢູ່ໃນປະເພດນີ້.

2. ໝວດພາກເອກະຊົນ (Private Sector)

• ແມ່ນຜະລິດຕະພັນ, ບໍລິການ ຫຼື ໂຄງການດິຈິຕອນ ທີ່ຕອບສະໜອງຄວາມຕ້ອງການຂອງພາກເອກະຊົນ.
• ລວມມີແອັບພລິເຄຊັນສຳລັບອຸດສາຫະກຳ, ການຄຸ້ມຄອງການຂົນສົ່ງສິນຄ້າ (e-logistics) ແລະ ລະບົບຕ່ອງໂສ້ອຸປະທານ, ການເງິນ, ການສື່ສານ, ສາທາລະນະສຸກ (e-Health), ລວມເຖິງການທ່ອງທ່ຽວ ແລະ ການບໍລິການທີ່ພັກອາໄສ.

3. ໝວດການສ້າງຄວາມມີສ່ວນຮ່ວມທາງດິຈິຕອນ (Digital Inclusivity)

• ແມ່ນຜະລິດຕະພັນ ຫຼື ໂຄງການທີ່ສົ່ງເສີມໃຫ້ປະຊາຊົນ ແລະ ຜູ້ບໍລິໂພກ ສາມາດເຂົ້າຮ່ວມໃນເສດຖະກິດ ແລະ ສັງຄົມດິຈິຕອນໄດ້.
• ເນັ້ນການສ້າງທັກສະ, ສ້າງແຮງຈູງໃຈ ແລະ ມອບໂອກາດໃຫ້ທຸກຄົນສາມາດນຳໃຊ້ເຕັກໂນໂລຊີດິຈິຕອນ ລວມເຖິງການນຳໃຊ້ອິນເຕີເນັດໄດ້ຢ່າງປອດໄພ.

4. ໝວດເນື້ອຫາດິຈິຕອນ (Digital Content)

• ແມ່ນຜະລິດຕະພັນ ຫຼື ບໍລິການທີ່ນຳໃຊ້ເຕັກໂນໂລຊີທີ່ທັນສະໄໝ ເພື່ອປະສົມປະສານສຽງ, ວິດີໂອ, ຂໍ້ຄວາມ ແລະ ຮູບພາບ ເຂົ້າໃນການສ້າງຄວາມບັນເທີງຜ່ານອິນເຕີເນັດ ຫຼື ແອັບພລິເຄຊັນມືຖື.
• ກວມເອົາການສະໜອງການຄຸ້ມຄອງ ແລະ ການຊ່ວຍເຫຼືອດ້ານເຕັກນິກໃຫ້ແກ່ອຸດສາຫະກຳຂ່າວສານ ແລະ ບັນເທີງ ເຊັ່ນ: ການອອກອາກາດທາງໂທລະພາບ, ວິທະຍຸ, ໂຮງຮູບເງົາ, ສື່ສິ່ງພິມ ແລະ ຂ່າວສານເທິງອິນເຕີເນັດ.

5. ໝວດທຸລະກິດດິຈິຕອນເລີ່ມຕົ້ນ (Digital Startup)

• ສຳລັບບໍລິສັດດິຈິຕອນທີ່ຢູ່ໃນໄລຍະເລີ່ມຕົ້ນ ແຕ່ມີຜະລິດຕະພັນທີ່ອອກສູ່ຕະຫຼາດແລ້ວ ຫຼື ມີຜະລິດຕະພັນຕົ້ນແບບຂັ້ນຕ່ຳ (MVP).
• ເປັນທຸລະກິດທີ່ນຳໃຊ້ຄວາມກ້າວໜ້າທາງເຕັກໂນໂລຊີ ເພື່ອປັບປຸງສະມັດຕະພາບ, ປ່ຽນແປງຮູບແບບທຸລະກິດ ແລະ ຍົກລະດັບມາດຕະຖານການດຳລົງຊີວິດຂອງປະຊາຊົນ ເຊິ່ງສ້າງຜົນກະທົບທີ່ດີທາງດ້ານສັງຄົມ ແລະ ເສດຖະກິດ.

6. ໝວດນະວັດຕະກໍາດິຈິຕອນ (Digital Innovation)

• ແມ່ນຜະລິດຕະພັນ, ບໍລິການ ຫຼື ໂຄງການດິຈິຕອນ ທີ່ເປັນຜົນງານຈາກສະຖາບັນການສຶກສາລະດັບສູງ ແລະ ສະຖາບັນການຄົ້ນຄວ້າ.
• ສົ່ງເສີມການນຳໃຊ້ນະວັດຕະກໍາເພື່ອເປັນຂໍ້ໄດ້ປຽບໃນການແຂ່ງຂັນ, ສ້າງຜົນກະທົບທີ່ໂດດເດັ່ນຕໍ່ຮູບແບບການດຳເນີນທຸລະກິດ ຫຼື ຊ່ວຍຍົກລະດັບຄຸນນະພາບຊີວິດຂອງຜູ້ຊົມໃຊ້ຢ່າງຫຼວງຫຼາຍ.